Fel rhan o rhaglen Dathlu Dinas Bangor yn 1500 ymunwch a ni yn Gadeirlan Sant Deiniol Bangor am gyngerdd yng nhwmni Arfon Wyn , Nest Llewelyn ar Ofergoelus (gyda gwesteuon arbennig) wrth iddynt ail greu cyngerdd hanesyddol 1972 yr Atgyfodiad yn y Gadeirlan.
Archebwch YMA
Dan arweiniad Arfon Wyn cawn glywed detholiad o ganeuon roc gwerinaidd yr Atgyfodiad (un o fandiau roc trydanol cyntaf Cymru) a caneuon Pererin. Maer Cyngerdd am ddim a croeso cynnes i bawb .
Mae BLAS, Pontio yn cyflwyno project arbennig sy’n cofnodi cymuned arbennig Hirael gyda chefnogaeth Storiel. Mae Gwion Aled Williams a’r ffotograffydd Iolo Penri wedi bod yn ymweld â Hirael sawl gwaith dros gyfnod o flwyddyn gan gael cipolwg o’r gymuned a’r unigolion sy’n byw yno. Bydd nawr cyfle i weld ffrwyth y gwaith o gofnodi cymuned Hirael mewn arddangosfa arbennig yn Storiel.
Mae arddangosfa fawr o waith Jac Jones, artist, darlunydd ac awdur yn Storiel yn addo bod yn ysbrydoledig ac yn syndod. Mae delweddau Jac yn wybyddus i filoedd o deuluoedd ar draws Cymru –y cymeriad Jac y Jwc a greodd ar gyfer cyfres llyfrau Sali Mali neu weithiau celf ar gyfer llyfrau plant clasurol gan T.Llew Jones fel Lleuad yn Olau ac Y Trysorfa i enwi ond rhai.
Roedd mortaria Rhufeinig yn fowlenni bas gydag ymyl crwm, tu mewn wedi'i fewnosod gyda graean i falu sawsiau a cheg arllwys lydan. Roedd gen i ddiddordeb mewn archwilio'r nodweddion hyn, nid ar gyfer ail-greu'r gwrthrychau gwreiddiol nac i gynhyrchu rhai defnyddiol, ond ar gyfer myfyrio ar ffurf a swyddogaeth.